David Bruzos (Ourense, 1979) cando fala diante dos medios de comunicación ten un trato cercano, mesmo humilde por momentos. Profesor e activista serían dúas palabras que poderían definilo, tamén político logo do seu paso polo Congreso dos Deputados nas eleccións xerais de 2015.

- Publicidade -

Agora, como cabeza de lista da candidatura “crítica” coa actual dirección de En Marea volve a primeira liña e por este motivo Nós Televisión quixo falar con el. Iniciamos a entrevista querendo saber como, logo de deixar o primeiro plano político, acepta liderar esta candidatura. Bruzos resume o seu compromiso lembrando o movemento que conseguiu varias alcaldías no 2015, un logro que aspira a superar no 2019.

De entre as acusacións que se lle fai á súa candidatura a máis reiterada nos medios de comunicación do país é a de que teñen máis peso os partidos políticos que lle dan o seu apoio que as persoas. David Bruzos négao e explica porque a súa candidatura conta cunha diversidade de nomes moi ampla que abrangue moitas sensibilidades.

Bruzos fuxe do choque con Luís Villares desde o primeiro minuto. Recoñece o seu traballo no Parlamento galego mais afirma que algo non se está a facer ben cando hai xente que non se sinte cómoda no espazo actual de En Marea. Para mudalo a súa proposta é ambiciosa.

A ampliación do espazo de En Marea é a principal proposta da súa candidatura.Válida no horizonte non só polas eleccións municipais e europeas, senón tamén polas que virán logo para dirimir se Feijóo segue como presidente da Xunta ou hai un cambio de rumbo na política galega.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego