Sobre Nós
Nós Televisión é un medio de comunicación cun equipo humano formado por profesionais do ámbito audiovisual, xornalístico e da publicidade coa conciencia situada en Galicia
A única canle privada cunha aposta decidida pola lingua galega
Emitindo as 24 horas do día de forma ininterrumpida a través das plataformas R e +Media
Un espazo audiovisual para a maioría social e para tecer redes
Desde o xerme do proxecto puxemos en valor a idea de traballar dende abaixo e dende dentro, tecendo redes entre todos os axentes do país e concibindo o medio como un altofalante para reivindicar a nosa cultura, literatura, música, artes escénicas, cinema, o noso patrimonio, a nosa historia, as nosas raíces, e o noso idioma, extenso e útil, ferramenta fundamental que nos abre as portas ademais a todo o mundo lusófono
Da man das operadoras galegas
En continuo avance desde o nacemento no 2013, Nós Televisión aposta día a día por mellorar a súa accesibilidade no panorama televisivo, entrando a cada paso en máis fogares e da man sempre de empresas con sentimento galego como sinal de identidade. Actualmente, podes sintonizarnos na canle 119 de R, e a través da plataforma +Media no servizo de televisión que ofrecen as operadoras Toxo Telecom, A Túa Xanela, Juifi, Pizpireta Telecom, Rural Galego Conectado e Gigalia, por exemplo.
Un medio referente tamén nas redes sociais e no Youtube
Boa parte dos contidos audiovisuais que producimos tamén están accesibles para todos os públicos na nosa canle de youtube, consolidándonos actualmente como o medio de comunicación privado galego con máis persoas subscritas a esta rede social.