Ánxeles Cuña responde ante as acusacións do sector de Villares: “Eu cumpro absolutamente cos meus compromisos financeiros”

Ánxeles Cuña denuncia que “adiou” os pagos a En Marea de 2018 por “falta de transparencia”

A deputada de En Marea Ánxeles Cuña convocou hoxe no Parlamento galego aos medios de comunicación para presentar as súas contas coa formación e desmentir, deste xeito, as acusacións de Luís Villares de que algúns e algunhas representantes non cumplían coa carta financeira.

- Publicidade -

Isto é algo ofensivo cara a miña persoa

A deputada compareceu diante dos medios de comunicación e amosou datos das súas doazóns á formación e a varias ONGs. Así, explicou que en 2016 contribuíu a En Marea con 1.810 euros, en 2017 con 5.040 euros e que no 2018 adiou a súa achega por non contar con datos que explicaran cal era o seu destino. Ademais Cuña sinalou que colaboraba con varias organizacións sen ánimo de lucro.

“Son acusacións falsas”. A deputada tamén defendeu a honorabilidade dos sete deputados e deputadas acusados de non pagar á formación. Cuña asegura que este tipo de cuestións deberían quedar no ámbito interno.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego