As dificultades que o seu ollo dereito lle supuxeron para o desenvolvemento do seu traballo como artista, non impediron a María Maquieira que hoxe presentase, na casa do Concello, a súa exposición “Apopá”, que poderemos ver do un ao vinte e seis de marzo na Fundación Eugenio Granell. A mostra está conformada por series a modo de diario nas que a artista fai un repaso polo seu pasado ata chegar ao presente.
“As dificultades non anulan as capacidades artísticas”
A concelleira de Políticas Sociais, Concha Fernández, fixo fincapé na idea de que “pódense conseguir metas” xa que, en palabras súas, “as dificultades non anulan as capacidades artísticas”.
Na rolda de prensa estivo tamén presente a presidenta de Tiresias Galicia, Lourdes Díaz, que puxo o foco na discriminación que sofren as mulleres e que, se estas contan cunha discapacidade, vese notablemente incrementada.
A Presidenta de Tiresias Galicia denunciou a "dobre discriminación" que padecen as mulleres con discapacidade https://t.co/hfpqwTKhDa pic.twitter.com/BT0E1B0AGM
— Nós Televisión (@NosTelevision) 01 marzo 2017
A artista María Maquieira bota unha mirada atrás. Lembra as vivencias de cando estaba en Roma. Ata a actualidade, que habita en Grecia. Na tarde de hoxe, de inauguración, haberá unha mesa redonda que terá como tema de debate “Mulleres con diversidade funcional: desigualdades de xénero”.
