Nunha hora e 58 minutos, Isabel Coixet relata unha das historias de loita polos dereitos LGTBQI+ que máis marcou en Galicia. No noso país, en 1901, Elisa Sánchez Loriga e Marcela Gracia Ibeas emprenderon innumerables batallas para facer valer o seu amor. Un dos momentos máis coñecidos e representados foi cando Elisa Sánchez adoptou unha identidade masculina para casar con Marcela. Pero non foi o único. O filme, que xa estivo nos cines -aínda que de forma limitada-, pasará a estar dispoñible na plataforma Netflix este 7 de xuño.