A Coruña acollerá a presentación do documental “A ameaza do cobre”

A asociación veciñal Oza Gaiteira Os Castros proxectará o documental na Coruña

Trala exitosa presentación en Compostela do documental producido por Tingaralanga para Nós Televisión, o conflito mineiro aberto en Touro e O Pino viaxa ata A Coruña.

- Publicidade -

O vindeiro luns, 2 de abril, o Fórum Metropolitano da Coruña acollerá de balde a presentación do documental desde as 19:30h dentro do ciclo CINE DE BARRIO que organiza a AAVV Oza Gaiteira-OsCastros.

Información do evento

A Ameaza do cobre é un documental dirixido polo xornalista e cineasta Xosé Bocixa e que recolle numerosas testemuñas do conflito polo megaproxecto industrial que pretende reabrir as vellas minas de cobre en Touro e O Pino.

Do mesmo xeito que sucedeu en Compostela, haberá tamén un coloquio con familias afectadas polo proxecto mineiro así como tamén coa presenza do director do documental, Xosé Bocixa.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego