O concelleiro de medioambiente e convivencia, Xan Duro, acudiu esta mañá á rolda de prensa co obxectivo de dar resposta ás recentes acusacións de Sánchez-Brunete en relación co expediente da Sala Malatesta. O edil explicou á prensa a cronoloxía pormenorizada do proceso e indicou que o Goberno “cumpriu a lexislación en todo momento”.
En relación aos aforos e os seus perigos, Xan Duro insistiu en que o aforo de “100 persoas” colocouse, no seu día, como medida preventiva antes de facer a inspección, que tivo lugar o día 13 de xaneiro. Segundo o concelleiro “a situación grave e de risco” da que falaba no día de onte Brunete, “non existe”. Para concluír, o edil explicou que desde o seu partido pídese “ética polas compañeiras e compañeiros da Corporación e por determinados medios de comunicación”.
Máis información:
“Non existe ningún caso Malatesta” segundo o concelleiro Xan Duro“Este Goberno cumpre a Lei e eu non sei se o PP facía o mesmo” dixo hoxe @xanduro sobre a sanción á Sala #Malatesta https://t.co/3hRg3PcjJi pic.twitter.com/Ehy7LqbBZd
— Nós Televisión (@NosTelevision) 21 marzo 2017
“Este goberno cumpre a Lei e eu non sei se o PP facía o mesmo ou non”
Xan Duro
