Na tarde do 20 de abril de 1949 unha batalla en Repil, na Pobra do Brollón, marca o inicio do fin da Guerrilla en Galicia.
Un roteiro arqueolóxico permitirá reconstruír que ocorreu na chamada Casa do Facha, lugar de morte, onde se refuxiaban cinco guerrilleiros. Percorreremos o camiño da fuxida de Fermín Gutiérrez Lada Segura, que conseguiu escapar ata a parroquia de Cereixa e a relación deste lugar con San Lourenzo e co castro que leva o seu nome.