A Nave 5 de Abastos continúa o proceso de adxudicación de postos

Marta Lois defende a necesidade de que a Praza de Abastos manteña a súa imaxe histórica

O concelleiro do PP de Santiago, Alejandro Sánchez-Brunete, amosou a súa preocupación hoxe en rolda de prensa pola renuncia de dúas empresas a ocupar dous dos postos concedidos no anterior proceso de adxudicación para traballar na Nave 5 da Praza de Abastos.

- Publicidade -

Resposta de Marta Lois

A concelleira de Turismo, Marta Lois, asegurou aos medios de comunicación que o concurso actual segue adiante e que os postos que quedan vacantes coa renuncia destas dúas empresas sairán a adxudicación co resto de postos baleiros que hai noutras naves da mesma Praza de Abastos.

O procedemento para a concesión de postos na Nave 5 da Praza de Abastos iniciouse o pasado 2 de febreiro coa apertura do prazo para optar a algún destes. Son un total de 7 locais cuxo prezo oscila entre os 12.024 e os 24.048 euros.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego