Home Programas Espazo Aberto Familiares e vítimas do Alvia esixen “Verdade, xustiza e reparación”

Familiares e vítimas do Alvia esixen “Verdade, xustiza e reparación”

Redacción
-
0
Familiares e vítimas do Alvia esixen “Verdade, xustiza e reparación”

“Verdade, xustiza e reparación” foi o berro que se escoitou hoxe en Compostela por parte de familiares das vítimas do accidente ferroviario do Alvia en Angrois hai catro anos. A protesta comezou diante da estación de tren de Compostela onde o presidente da Plataforma de Vítimas do Alvia, Jesús Domínguez, explicou aos medios de comunicación que hoxe era “un día de lembranza” mais tamén para “esixir responsabilidades”.

Na manifestación participaron membros de todo o arco parlamentario galego a excepción do Partido Popular que rexeitou estar presente. O voceiro de En Marea, Luís Villares, salientou que había que rematar con esta vergoña.

Tamén participou na manifestación a portavoz nacional do BNG, Ana Pontón, que quixo lembrar o momento difícil de dor colectiva que están a pasar as familias e as vítimas considerando “indecente” a situación actual.

Por parte do PsdeG-PSOE o seu portavoz, Xaquín Fernández Leiceaga, amosou a súa solidariedade coas vitimas e os seus familiares e pediu que se formara canto antes a comisión para depurar responsabiliddaes.

A deputada no Congreso de En Marea Alexandra Fernández explicou que chegar a ter unha comisión de investigación estase a converter nunha carreira de obstáculos.

Ana Miranda, do BNG, explicou a importancia do apoio europeo para que a Comsión esclareza o acontecido.

O accidente do Alvia en Angrois foi o maior acontecido no Estado español co resultado de 81 mortos e máis de 140 persoas feridas. Catro anos despois a única responsabiliddae do acontecido reaceu no maquinista desa viaxe e hai moitas zonas escuras que as vitimas e familiares esixen que se esclarezan.