“Verdade, xustiza e reparación” foi o berro que se escoitou hoxe en Compostela por parte de familiares das vítimas do accidente ferroviario do Alvia en Angrois hai catro anos. A protesta comezou diante da estación de tren de Compostela onde o presidente da Plataforma de Vítimas do Alvia, Jesús Domínguez, explicou aos medios de comunicación que hoxe era “un día de lembranza” mais tamén para “esixir responsabilidades”.
Jesús Domínguez, presidente de @victimastren, lembrou que hoxe é “un día de lembranza” mais tamén para “esixir responsabilidades”. pic.twitter.com/6VB1KGjMSp
— Nós Televisión (@NosTelevision) 24 de julio de 2017
Na manifestación participaron membros de todo o arco parlamentario galego a excepción do Partido Popular que rexeitou estar presente. O voceiro de En Marea, Luís Villares, salientou que había que rematar con esta vergoña.
.@VillaresLuis (@En_Marea): “Que remate esta vergoña, a sociedade e as vítimas merecen saber a verdade” #Angrois https://t.co/FrmdR4rwx4 pic.twitter.com/UfKCk7IMDX
— Nós Televisión (@NosTelevision) 24 de julio de 2017
Tamén participou na manifestación a portavoz nacional do BNG, Ana Pontón, que quixo lembrar o momento difícil de dor colectiva que están a pasar as familias e as vítimas considerando “indecente” a situación actual.
.@anaponton: “Para o @obloque é indecente que sigamos sen Comisión de Investigación sobre #Angrois, sen ERTMS e cun Feijóo que pon excusas” pic.twitter.com/t3RVQQiKKB
— Nós Televisión (@NosTelevision) 24 de julio de 2017
Por parte do PsdeG-PSOE o seu portavoz, Xaquín Fernández Leiceaga, amosou a súa solidariedade coas vitimas e os seus familiares e pediu que se formara canto antes a comisión para depurar responsabiliddaes.
O voceiro do @PSdeG,@XoaquiFLeiceaga, reclamou que se forme, canto antes, a comisión de investigación sobre #angrois https://t.co/FrmdR4rwx4 pic.twitter.com/jwqrABOVx0
— Nós Televisión (@NosTelevision) 24 de julio de 2017
A deputada no Congreso de En Marea Alexandra Fernández explicou que chegar a ter unha comisión de investigación estase a converter nunha carreira de obstáculos.
Alexandra Fernández (@aKollontai) explicou que a constitución da comisión de investigación sobre #angrois é unha "carreira de obstáculos" pic.twitter.com/pUxoorAXJ3
— Nós Televisión (@NosTelevision) 24 de julio de 2017
Ana Miranda, do BNG, explicou a importancia do apoio europeo para que a Comsión esclareza o acontecido.
.@anamirandapaz agarda que a Unión Europea abra un procedemento de infracción contra España polos incumprimentos en seguridade ferroviaria pic.twitter.com/uc0kYcwIjG
— Nós Televisión (@NosTelevision) 24 de julio de 2017
O accidente do Alvia en Angrois foi o maior acontecido no Estado español co resultado de 81 mortos e máis de 140 persoas feridas. Catro anos despois a única responsabiliddae do acontecido reaceu no maquinista desa viaxe e hai moitas zonas escuras que as vitimas e familiares esixen que se esclarezan.
