Vieiros de Esperanza é un documental realizado no ano 2014 que percorre a vida e a traxectoria profesional de don Ricardo Carvalho Calero a modo de conversa: dende a súa infancia en Ferrol até a súa xubilación en Compostela. Tamén tenta comprender porque non se lle dedicaba o Día das Letras Galegas, un recoñecemento que finalmente chegou en 2020 coincidindo co 110 aniversario do seu nacemento.

Dirixido por Antón Rodríguez e coa colaboración técnica de Javier Gómez e Sergio Arango.