Comisión Obreiras fixo pública a súa decisión de non asinar o acordo para o novo contrato de continuidade para a atención primaria. Declaran que “non garante a estabilidade do persoal e que abre a porta, de xeito encuberto, a un novo modelo de atención primaria”.
Xunto coa CIG, son os únicos sindicatos que non asinaron o modelo, xa que tanto CSIF, CESM-O’Mega, Statse e UGT chegaron ao acordo coa Xunta o pasado 15 de xaneiro. Os motivos son varios, pero como nos explica Emilia Lamas, secretaria de Organización de CCOO-Sanidade, “só van cubrir un 60% das necesidades e o outro vai quedar como ata agora, a golpe de teléfono“.
CCOO-Sanidade pide novas negociacións porque estas carecen de “seriedade”. Reivindican “abordar a situación da atención primaria en Galicia cun novo Plan Mellora, chegando a acordos con todos os axentes sociais para dar solucións aos problemas asistenciais e de falta de profesionais”.