A Consellería de Sanidade e os sindicatos (a excepción da CIG e CCOO) asinaron o pasado martes o novo modelo de contrato para o persoal eventual da Atención Primaria. Nun primeiro momento “conciliador”, posto que termina cos contratos dun ou dous días e establece o mínimo de duración de 12 meses malia que parte do persoal mobilizado continúa censurando que “perpetúa unha situación de precariedade“.
Precarias pola Atención Primaria: “Nós non imos asinar”
Explícanos a situación Daniel de Bernardo, parte do colectivo Precarias pola Atención Primaria, de médicas e médicos de familia en situación de precariedade laboral de Galicia
O contrato obriga aos profesionais a traballar en períodos inferiores de 15 días en distintos centros “que non sabemos cales van ser” e implica unha “dispoñibilidade de 24 horas ao día e 365 días ao ano”.
“Plantexan establecer un contrato para obrigar á xente a que vaia a traballar cando eles queiran”. En palabras do colectivo, e de Daniel como médico de familia, “quizais os sindicatos asinaron, pero nós non imos asinar“.
