O concelleiro de Medio Ambiente e Convivencia, Xan Duro, fixo no día de onte balance das actividades do programa de Nadal. Co remate delas, o concelleiro calificou a participación da sociedade como “satisfactoria e positiva” e unha das máis “exitosas dos últimos anos”. Ademais, fixo fincapé na asistencia á cabalgata de reis, que contou coa asistencia de aproximadamente 30.000 persoas nas rúas de Compostela.
Onte @xanduro fixo balance das actividades de Nadal https://t.co/RJGamkNasI O Concello fala de "éxito de participación" pic.twitter.com/iJiNlavM5p
— Nós Televisión (@NosTelevision) 11 xaneiro 2017
Novas críticas de Paco Reyes
Por outra banda, o voceiro do PSdeG, Paco Reyes, valorou a programación de nadal como “negativa”, considerando que “sendo o ano no que máis cartos se investiron na cabalgata de reis, concretamente 107.000 euros, estes non se ven reflectidos na calidade”. En palabras súas, o que se critica desde o PSdeG non é o investimento, senón o resultado.
Tamén fixo balance das actividades de nadal o voceiro socialista @pacoreyesstgo https://t.co/RJGamkNasI Crítico cos resultados acadados pic.twitter.com/4TI7q9i8ER
— Nós Televisión (@NosTelevision) 11 xaneiro 2017
Explicacións sobre os problemas do alumeado navideño
No relativo á instalación do alumeado, Xan Duro explicou que houbo erros e que isto non é un problema que sexa competencia do Concello, senón que o é da empresa. O concelleiro indicou que o único que pode asegurar o Goberno é a seguridade e que polo tanto, cada quen deberá “asumir as responsabilidades” pertinentes.
