A tramitación dos orzamentos da Xunta de Galiza no Parlamento activou as protestas do sector público galego para dar a coñecer as súas reivindicacións. Delegadas e delegados das centrais sindicais CIG, UGT e CCOO concentráronse díante do Pazo do Hórreo cando se celebraba o primeiro dos plenos sobre este tema.
Desde Nós Televisión conversamos recentemente coa portavoz da Área pública da CIG, Maricarme López que resumía así os motivos polos que a central sindical nacionalista rexeita os orzamentos da Xunta:
Nos vindeiros días continuarán as protestas do Persoal da Área Pública contra os Orzamentos da Xunta de Galicia https://t.co/Me4K2FpMFT pic.twitter.com/Qen5ULpTJ9
— Nós Televisión (@NosTelevision) 31 xaneiro 2017
As críticas ao orzamento presentado polo actual goberno galego fan fincapé na continuidade dos recortes
Os sindicatos repetirán as mobilizacións diante do Parlamento o vindeiro luns, día 6 de febreiro, coincidindo co debate e votación dos Orzamentos da Xunta de Galiza para o ano 2017.
