Xa son máis de 1.000 persoas no Pensatermos, o xogo para fomentar o uso do galego

O Pensatermos xa ten 1.003 persoas rexistradas e cada día suma máis. O xogo impulsado pola Mesa pola Normalización Lingüística está a piques de cumprir un ano de vida. Naceu a comezos de marzo de 2022 logo de que a Real Academia Galega e o Seminario de Lingüística Informática da Universidade de Vigo facilitasen  toda a terminoloxía que recollen os seus dicionarios, contribuíndo deste xeito á base de datos coa que se forman as palabras do xogo.

A xogar!

Pensatermos, un xogo gratuíto, consiste en formar palabras a través de sete letras, sendo unha delas de uso obrigatorio. As palabras deben ter como mínimo tres letras e non seren formas verbais conxugadas, nin termos en plural. A puntuación do xogo determínase polo número de letras utilizadas: 1 punto por palabras de tres letras, 2 puntos por palabras de 4 letras e a partir das cinco letras, tantos puntos como teña a palabra. Se se utilizan todas as letras, faise un pleno e obtéñense 18 puntos.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego