Nós Televisión estreará este sábado un novo espazo de entrevistas que colocará no centro da axenda mediática galega ás voces da nosa cultura. Para levar este traballo a cabo, a equipa de Nós Televisión alíase con Tingalaranga Audiovisual, con Xosé Bocixa como realizador. Así nace ‘Saúde e Terra! Voces da cultura galega‘, un espazo de entrevistas que traeremos ás vosas pantallas a través do 119 de R e da nosa canle de YouTube.
A estrea: Xabier Díaz
Este sábado, 16 de xaneiro, estrearase o primeiro programa de ‘Saúde e Terra!’ con Xabier Díaz. Poderás velo ás 21 horas a través do 119 de R ou da nosa canle de Youtube.
