O 31 de xaneiro a AGAL celebrará en Compostela as xornadas (Re)unidas pola Língua.
“O objetivo é reunir pessoas e entidades com interesse na língua galega para criar um fórum plural. Escuitar, participar e pensar em conjunto caminhos e oportunidades. Ir para além dos consensos e medidas atuais, procurar novas ideias e imaginar novos caminhos para a língua que nos situa no mundo. A nossa intençom é que seja um ponto de diálogo aberto e respeitoso, onde convivam experiências diversas, para podermos fortalecer a comunidade e as redes entre todes” aseguran dende AGAL.
Para o formato do encontro a AGAL inpírase no estilo do ‘World Café’, polo que haberá diferentes mesas rotatorias nas que participar, con tempo para a escoita, para compartir cada quen o seu punto de vista e para contruír colectivamente as conclusións. Dende a AGAL apuntan que os ámbitos principais sobre os que se falará son “Ensino e futuro profissional; Cultura, comunicações e redes; Economia e serviços; Direitos linguísticos Convergência linguística na Lusofonia”.
As conclusións das xornadas recolleranse nunha serie de documentos que a asociación levará aos organismos nos que participa como a CPLP ou o Observatório da Lusofonia Valentim Paz-Andrade, así como tamén a reunións con representantes do mundo da política e a cultura. Para poder participar deste (Re)unidas pola Língua que se celebrará o día 31 na Casa do Taberneiro en Compotela hai que anotarse neste formulario.
