A música entra de cheo en Nós Televisión na que será a última fin de semana deste mes de setembro. Este sábado, a partir das 12 horas, estreamos un novo programa de GZmúsica gravado en plenas festas de Vilaxoán. Poderemos ver a artistas como Verto ou Mounqup!
Entretanto, no 9 de R, poderemos gozar dos nosos sábados culturais. A partir das 21 horas, Cándido Pazó falaranos da obra de teatro ‘Fillos do sol’, recentemente recollida no libro co mesmo título, e escoitaremos ao youtubeiro e creador Neeumatiko.
A noite do domingo chegará coa nosa potencialidade lingüística da man de Eduardo Maragoto e Galego de todo o Mundo.
