As investigadoras Iria-Friné Rivera Vázquez e Patricia Arias Chachero son as protagonistas do primeiro capítulo de Os Trazos de Risco, unha serie producida e realizada por Nós Televisión para conmemorar o 140 aniversario do nacemento do que foi o autor máis universalista da Xeración Nós.
Nesta conversa, Arias Chachero e Rivera Vázquez abordan a Risco desde o punto de vista da súa arte.
Gravada integramente no Teatro Principal de Ourense co apoio da Secretaría Xeral de Política Lingúística da Xunta, da Deputación de Ourense e da Fundación Vicente Risco, os Trazos de Risco está formada por 5 capítulos. Bieito Iglesias e Serxio María Rodríguez Álvarez; Isabel Risco e Luís Martínez Risco; Castor Castro Vicente e Afonso Vázquez-Monxardín; e Valentín García e Celia Pereira serán as parellas que protagonicen as seguintes conversas, enfocadas no pensamento de Vicente Risco, no seu lado máis familiar, na súa espiritualidade e na súa figura desde o punto de vista institucional.
