A desaparición dunha rapaza en Pontevella sacode a cidade. Un diario, as novas dun suceso nun xornal e a visión dunha xornalista, son as tres voces que narran esta novela trepidante. Oito días sen Eva Cortes, é un thriller escrito por Sara Vila Alonso e merecedor do Premio de Narrativa Illa Nova de 2021.
Ninguén mellor que o autor ou autora para dar a coñecer a súa obra literaria. Con esta idea Nós Televisión comeza un novo espazo que traerá á nosa web e á grella as principais novidades da Editorial Galaxia, a factoría de libros que naceu en 1950 coa arela de defender e difundir a lingua e a literatura galegas.
