Ás portas da finalización do mes de xuño, Nós Televisión coloca o peche de tempada dos seus dous programas semanais para dar paso á programación de verán. O ‘Espazo Aberto’, semanal da cultura e lingua, xunto o ‘Saúde e Terra. Voces da cultura galega’ pecharán tempada esta mesma fin de semana. Mais, a grella non vai quedar baleira!
Nós Televisión arranca o mes de xullo con estreas asociadas a nova tempada de verán. Un dos seus maiores exemplos será a estrea dun espazo dedicado á saúde dental en galego, un sector que conta cunha ampla presenza do castelán e que a equipa de Nós Televisión quere axudar a reverter coa colaboración da Clínica Médica Dental Pardiñas.
Non será a única estrea! Temos preparadas diversos mini-documentais arredor da nosa cultura e lingua que estrearemos proximamente. E, por suposto, continuarán a súa emisións os programas ‘Galego de todo o mundo‘, dedicado á lingua e ao mundo lusófono, e o ‘Universo Galaxia‘, un espazo centrado nas novidades da literatura galega.
Todos os avances e novidades irémolas comunicando a través da nosa páxina web e redes sociais. Por unha televisión que sementa futuro!
