A canle de YouTube de Nós Televisión non para de crecer. No último mes, a canle obtivo 20.000 visualizacións e gañou máis de 120 novas subscricións. Con esta suba, o número total de persoas que seguen a Nós Televisión na canle de YouTube está preto das 9.500.
Que podes atopar no YouTube de Nós Televisión?
E non é para menos que a canle de YouTube de Nós Televisión medre día a día! Nesta canle, podes atopar contidos audiovisuais sobre a cultura e lingua galega como a reportaxe sobre o 60 aniversario de Memorias dun neno labrego, documentarios como o A Fala na Raia ou programas da altura de Galego de Todo o Mundo ou Gzmúsica.
Unha comunidade internacional a través do galego
Mais non todo é ver contidos audiovisuais! A través da canle de YouTube de Nós Televisión, tamén podes atopar a toda unha comunidade galega pertencente non só a Galicia senón tamén a Portugal ou o Brasil. En cada un dos contidos pendurados na canle, poderás ver unha serie de comentarios nos que atoparás reflexións lingüísticas, inquietudes comúns e unha diversidade de opinións que nós mantén como galegas en rede fóra das nosas fronteiras.
