Ortiga, un dos grandes referentes da música urbana e de verbena, chega á Música na Almáciga de Nós Televisión. Coñecido pola súa capacidade para facer bailar a todo o mundo coa súa fusión de ritmos, o artista achégase ao programa nun momento de plena madurez creativa.
A xornalista cultural Xiana Arias tamén recibe a Fuego Lolita, un proxecto emerxente que comeza a abrirse paso con forza na nosa escena e que destaca pola súa enerxía no escenario.
Música na Almáciga está gravado no Centro Xove de Creación Cultural que o Concello de Santiago ten na Almáciga, un lugar polo que pasan ducias de bandas para ensaiar, residir, intercambiar experiencias e aprender, co apoio do persoal técnico que atende o centro municipal.
