Marilar Aleixandre foi galardoada co Premio Nacional de Narrativa 2022,pola súa obra ‘As malas mulleres’ editada por Galaxia. O premio, concedido polo Ministerio de Cultura e Deporte, está dotado con 20.000 euros. O xurado destacou a súa obra ‘As malas mulleres’ (Galaxia) “pola súa orixinal estrutura híbrida que a converte nunha singular novela histórica sobre a situación carcelaria das mulleres no século XIX, cun admirable dominio do diálogo e da linguaxe”. A autora agradeceu o galardón nas súas redes sociais.
Unha grande alegría. Grazas ao xurado por este premio. Grazas tamén a @EdGalaxia que o publica en galego (a portada é de Hayat Husein) e a @Xordica que o publicará axiña en castelán. E a todas as lectoras e lectores que facedes que un manuscrito sexa libro. https://t.co/8lmvc0xUwg
— Marilar Aleixandre (@MarilarAleix) October 25, 2022