Malva (@todomalva) é unha das referentes nas redes sociais en galego. Nace a comezos de 1997 polo que fai ponte entre a Xeración Milenial e a Z. En 2021 abre ao público a súa conta de Tik Tok e, a partir de aí, vai gañando cada vez máis seguemento e popularidade. Co paso do tempo, a súa presenza nas redes sociais foi mudando. Atopámola no Youtube, no Instagram e no Twitter. Malva non só xera contidos en vídeos senón que tamén escribe artigos de opinión na revista Luzes. Sentamos a falar con ela na Casa Xohana Torres de Compostela.
