Este 10 de novembro abrirá o prazo para participar na sexta edición do concurso de regueifas en vídeo, o Enreguéifate. Como cada ano, entregaranse seis preios e poranse en marcha as actividades formativas que consistirán en máis de 60 obradoiros sobre a improvisación oral e a regueifa nos centros educativos de Ames, Carballo, Pontevedra, Santiago e Teo, que arrancarán a comezos de decembro. O equipo docente estará composto por Lupe Blanco, Josinho da Teixeira, O Rabelo, Nuria das Cruces, Lorena Medela, Cristián de Burela e Xairo de Herbón.
