More

    ‘Espazo Aberto’ e ‘Saúde e Terra’ pechan tempada para dar paso á programación de verán

    O semanal da cultura e lingua de Nós Televisión pechou este domingo, 27 de xuño, a tempada co programa número 41. Desta volta, a equipa do Espazo Aberto non só preparou unha reportaxe especial de #nósAFondo senón que tamén adiantou a programación de verán que está por vir en Nós Televisión.

    O programa conducido por Xosé Bocixa, ‘Saúde e Terra. Voces da cultura galega’, tamén dixo adeus. Foi cunha conversa cun dos principais motores da cultura galega, Carlos Blanco.

    E agora, que?

    Nós Televisión arrancará o mes de xullo con estreas asociadas a nova tempada de verán. Un dos seus maiores exemplos será a estrea dun espazo dedicado á saúde dental en galego, un sector que conta cunha ampla presenza do castelán e que a equipa de Nós Televisión quere axudar a reverter coa colaboración da Clínica Médica Dental Pardiñas.

    Non será a única estrea! Temos preparadas diversos mini-documentais arredor da nosa cultura e lingua que estrearemos proximamente. E, por suposto, continuarán a súa emisións os programas ‘Galego de todo o mundo‘, dedicado á lingua e ao mundo lusófono, e o ‘Universo Galaxia‘, un espazo centrado nas novidades da literatura galega.

    Faite socia, faite socio

    As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego