Galicia, e con especial fincapé a provincia de Pontevedra, conta este ano cun novo programa de residencias artísticas. Trátase do Depocrea, un programa que pon en marcha a Deputación de Pontevedra para promover proxectos específicos vinculados á provincia da man do Naútico de San Vicente.
A institución provincial subvencionará estas estancias con bolsas de 2.500 euros que chegarán a seis artistas visuais de calquera disciplina mediante unha convocatoria aberta e pública á que xa podes acceder través da sede electrónica ou do rexistro da Deputación.
O programa, que acollerá a artistas de todas as disciplinas, promoverá a interactuación das creadoras entre si e coa contorna máis inmediata mentres desenvolven os seus proxectos de pintura, escultura, debuxo, instalación, vídeo ou fotografía. Este é “un proxecto que nos emociona, ao que lle temos un especial cariño e que levamos tempo traballando na súa creación”, sostén a presidenta da entidade provincial, Carmela Silva.
Como presentarse á convocatoria?
As persoas que queiran optar a unha destas bolsas deberán presentar proxectos “site-specific”, entre os que terán preferencia “as propostas que se acheguen ao patrimonio da contorna ou avoguen por reivindicar valores como a sustentabilidade, a igualdade ou a inclusión social”. Nesta convocatoria poderá participar persoas maiores de idade con independencia da súa procedencia, aínda que se valorará que naceran ou sexan residentes da provincia co fin de fomentar o talento do de Pontevedra provincia. E as candidaturas serán avaliadas por un xurado de profesionais.
Os fondos que a Deputación dedica a estas bolsas vanse a empregar para a realización dos proxectos, no que atinxe á produción e compra de materiais, e a institución provincial tamén se fará cargo do aloxamento. Nestes sentido, Carmela Silva destacou que “eliximos o Náutico de San Vicente porque é un entorno único que aposta polo sustentable e onde natureza, cultura e cidadanía se mesturan en perfecta simbiose.
As residencias terán lugar entre o 28 de outubro de o 11 de novembro e comprenderán unha primeira etapa de creación en formato de portas abertas ou a visita de profesionais do sector, que realizarán unha conferencia e ofrecerán asesoramento e experiencias ás e aos bolseiros. Tamén haberá unha xornada de divulgación e é posible que se precise da participación do público ou dalgún colectivo local para algún dos proxectos. Finalmente, o 11 de novembro as e os artistas presenten os resultados conseguidos durante as residencias nun auto de clausura.
