More

    Daniel Asorey, autor do mes de maio para a AELG

    A Asociación de Escritoras e Escritores en Lingua Galega (ALEG) destaca neste mes de maio a Daniel Asorey. O autor é profesor de lingua e literatura galegas no ensino secundario e ten publicado relatos e recensións e colaborado en libros de texto.

    Asorey gañou o I Certame de Relato Curto Cidade Vella (1988) e o Premio de Narración Curta no I Certame Literario e de Investigación Terra de Melide (2001). En 2002 gañou o certame Manuel Murguía de narracións breves con Soñar pedras con fútbol e en 2016 gañou o Premio Narrativa Breve Repsol coa obra Nordeste, que tamén foi finalista do Premio da Crítica de Galicia e do Premio San Clemente Rosalía-Abanca.

    Nordeste foi traducida ao portugués do Brasil e publicada neste país. En 2018 gañou o Premio Nélida Piñón de relato breve con Anatema. Neste mesmo ano gañou o Premio de Poesía Johán Carballeira coa obra Transmatria. A súa novela As mulleres da fin do mundo (2019) foi finalista do Premio Xerais de Novela. Participou como autor na obra colectiva O libro dos trens (2019).

    Faite socia, faite socio

    As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego