Charo Lopes nace en Boiro en 1988. Licénciase en Xornalismo pola Universidade de Santiago de Compostela e cursa os estudos de fotografía na Escola de Artes Antonio Failde. Charo Lopes comunica tanto a través da imaxe como das palabras.
Ten publicados dous libros de poesía. ‘De como acontece a fin do mundo’ co que obtivo o Premio Fiz Vergara Vilariño. E ‘Álbum’, Premio de poesía Cidade de Ourense.
Entramos na Casa Xohana Torres de Compostela para falar con Charo Lopes de fotografía, feminismo, poesía, xornalismo… ademais do seu traballo na editora Através e no Portal Galego da Língua.
