A proposta do binormativismo foi lançada pola AGAL em 2016. Trata-se de uma proposta de política linguística que tem em conta que na Galiza existem dous modelos de escrita para representar o galego: um autónomo (e oficial), que goza de maior identificaçom com o galego falado atual e com a história literária dos últimos séculos, e outro convergente com o português (nom oficial ainda), que goza de maior estabilidade e projeçom comunicativa. Neste vídeo explica-se o paralelismo entre o caso galego e outros europeus a partir do artigo: Maragoto Sanches, Eduardo: “A proposta do binormativismo para padronizar o galego”, inA estandarización das linguas da Península Ibérica: procesos, problemas e novos horizontes / coord. por Henrique Monteagudo Romero, 2024, ISBN9788417802622, págs. 233-255. O mapa foi elaborado por Eduardo Maragoto e Carlos Barros para o referido artigo (pág. 240).
