Nada en Carril, en Vilagarcía de Arousa, Andrea Fernández Maneiro nace no entroido de 1964. Ten pasado por medios de comunicación como a Cadena Ser ou a Radio Galega, para logo desenvolver o seu traballo creativo na poesía e nos microrrelatos.
Entre a súa obra salientan títulos como ‘Contra-Tempos’, ‘Voto de silencio’ ou ‘Edénicas’. Tamén ten galardóns como Premio Galicia de Xornalismo, 1989, na especialidade de reportaxe radiofónico de sucesos. Finalista co poemario “Álxia” no I Certame de poesía Florencio Delgado Gurriarán, 2018. Primeiro premio da “Maratón fotográfica do 8M” de Vilagarcía de Arousa, 2019.
Tamén leva o primeiro premio, co poemario Contra-tempos, do V Certame de Poesía Torre de Caldaloba, 2021. Outro primeiro premio do XVI Certame de Poesía Erótica Illas Sisargas, co poemario Edénicas e o mesmo no IV Premio de poesía Eduardo Pondal (2022) co poemario Voto de silencio.
