A exposición “Crear porvir. Editorial Galaxia (1950-2025)”, ideada pola propia editorial con motivo do seu 75 aniversario, pode visitarse en Ferrol durante todo o mes de xullo. A mostra que percorre a historia de Galaxia inaugurouse o 3 de xullo na sede de Afundación na cidade departamental e permanecerá alí até o 30 deste mes, aberta a todos os públicos.
A exposición inclúe a proxección dun vídeo producido e realizado por Nós Televisión no que diferentes persoas do mundo da cultura galega escollen un libro de todos os publicados por Galaxia e explican o porqué da súa elección. Na cabeceira desta entrada, podedes velo.
Para conmemorar este 2025 de aniversario tan especial para a editorial, Nós Televisión tamén produciu e realizou, da man da propia Galaxia, un documental sobre esta institución que pode verse en aberto na nosa canle de youtube e tamén no servizo baixo demanda de Movistar Plus+ en todo o Estado español, ademais de na grella da canle 9 de R TV.
