O futuro laboral dos 24 mestres e mestras da Escola Municipal de Música semella seguir no aire. A pasada semana, o alcalde, Martiño Noriega, enviaba unha mensaxe de tranquilidade ao profesorado, asegurando que tentará garantir a subrogación do persoal coa nova concesionaria. Porén, o BNG insta a Noriega a dar un paso máis alá e municipalizar o servizo.
Críticas contra Compostela Aberta
O dirixente local do Bloque lamenta que o grupo de Goberno cualificase esta proposta de “ocurrencia”, xa que isto retrata a “involución” de Compostela Aberta dende que tomou o poder. Cela defende que, en vista da situación, a única alternativa para garantir a estabilidade do profesorado é a asunción da “xestión directa” por parte do Concello.
Así e todo, a empresa adxudicataria, a única que se presentou ao concurso, obtivo unicamente 20’5 dos 35 puntos aos que aspiraba. Para o BNG, isto evidencia que o seu proxecto educativo deixa “moito que desexar”.