O alcalde de Santiago, Martiño Noriega, informou na rolda de prensa posterior á Xunta de Goberno que nesta se aprobou o orzamento que se presentará a Pleno, segundo anunciou, o vindeiro sábado 18 de febreiro. O orzamento consolidado que se aprobou ascende a 106.271.569,95 euros. Trátase dun trámite previo á aprobación definitiva no Pleno Municipal

Na mesma comparecencia comunicou que se aprobara a a ampliación da autorización para a redacción do proxecto modificado das obras da Fase II de Vista Alegre.

Tamén indicou que nos vindeiros días manterá unha reunión co presidente da Xunta para trasladarlle varios asuntos de interese para a nosa cidade.