A primeira tenente de alcalde, María Rozas, exerceu hoxe de portavoz da Xunta de Goberno na habitual rolda de prensa posterior para dar conta dos asuntos tratados. A edil informou que se aprovaron diversos convenios con entidades como o Colexio Oficial de Psicoloxía de Galicia, Cáritas Diocesana, Cruz Roja e a Plataforma polo Emprego-Foro de Inmigración 2017.
Comedor escolar
Tamén se aprobou nesta Xunta de Goberno o texto de convenio ente a Consellería de Cultura, Educación e Ordenación Universitaria e o Concello de Santiago para xestionar o servizo de comedor escolar en nove centros de ensino público de Compostela.
Ademais, María Rozas informou da aprobación da proposta de ampliación do prazo de execución das obras do local destinado á Casa da Muller, que será ata o 15 de xuño.
