A Xunta de Goberno adxudica os primeiros locais da Nave 5

A Xunta de Goberno de hoxe acordou a adxudicación de tres locais da nave 5 da Praza de Abastos. O alcalde lembrou que no procedemento houbo máis solicitudes, que tiveron que ser rexeitadas por erros de forma á hora de presentar a documentación por parte dos interesados. Martiño Noriega explicou que se abrirá un novo procedemento para adxudicar os locais que quedaron pendentes, e amosouse convencido de que todos os establecementos dispoñibles serán finalmente ocupados.

Tamén aprobou os convenios de colaboración entre o Concello de Santiago e as asociacións culturais Cidade Vella e Tempo con Xeito para o último trimestre do ano. Estes acordos enmárcanse na liña de colaboración entre concello e locais de hostalería.

Outra das propostas aprobadas foi á co concelleiro de Medio Ambiente pola que se abre un procedemento de adxudicación aberto para cubrir o servizo de intervención e recollida de animais abandonados ou perdidos no municipio.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego