O candidato de Compromiso por Galicia (CxG) á Alcaldía de Compostela, Xoán Bascuas, coloca á Compostela máis rural como centro das súas propostas. Para Bascuas é imprescindible chegar a un “pacto rural por Compostela”. “Quen queira sentar con nós, terá que falar co tecido asociativo do rural”,  “é unha liña vermella”.

- Publicidade -

Con respecto ás e ós demais aspirantes á Alcaldía, Bascuas considera que “o efecto PSOE e o efecto Bugallo existíu” e fai fincapé no “existíu” porque, segundo indica, é un efecto que “xa pasou”. Ademais, hai “tres candidatos que xa foron alcaldes e xa se sabe do que son capaces pero tamén do que son incapaces” polo que pide “unha oportunidade” para demostrar do que pode ser capaz tendo a alcaldía de Compostela.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego