O Museo das Peregrinacións acolleu esta mañá a inauguración do VI Encontro Ibérico de Xestores do Patrimonio Mundial. O acto estivo dirixido polo alcalde de Santiago, Martiño Noriega, que fixo fincapé na importancia que tivo, hai case 32 anos, a declaración de Santiago como Patrimonio da Humanidade pola UNESCO.
O encontro é unha iniciativa que nace no ano 2004 co obxectivo de estreitar vínculos entre países da península Ibérica (España, Portugal e Andorra).
Na procura do equilibrio
Tamén participaron neste encontro bianual o conselleiro de Cultura, Educación e Ordenación Universitaria, Román Rodríguez, así como a directora xeral de Patrimonio Cultural do Ministerio de Cultura, Paula Silva. Ao longo destas tres xornadas afondarase nos instrumentos de xestión que faciliten o equilibrio entre as actividades hoteleiras e hostaleiras e as hostaleiras e as habitacionais, favorecendo a convivencia do “comercio turístico co comercio tradicional e de proximidade”, tal e como indicou o propio Martiño Noriega.
O turismo: aliado e inimigo do Patrimonio
O Conselleiro de Cultura da Xunta, Román Rodríguez, tamén participou esta mañá na inauguración do VI Encontro Ibérico de Xestores do Patrimonio Mundial e ofreceu a súa visión sobre a xestión do impacto do turismo coa que, en termos xerais, é similar á que indicou o propio alcalde, Martiño Noriega
O conselleiro de Cultura, @RomanLalin, achegou a súa posición sobre a xestión do impacto do turismo no Patrimonio https://t.co/WAVvkvlk4Q pic.twitter.com/ikZGAMvN6E
— Nós Televisión (@NosTelevision) 29 marzo 2017
O alcalde de Santiago, @martinhonoriega, falou esta mañá dos impactos positivos e negativos do turismo na cidade https://t.co/WAVvkvlk4Q pic.twitter.com/y03Xl2ZnM0
— Nós Televisión (@NosTelevision) 29 marzo 2017
