O II Premio Fina Casalderrey de Literatura Infantil pola Igualdade recaeu na obra presentada baixo o lema ‘O País do Gran Furado’ do escritor friolés Xerardo Quintiá Pérez. O xurado que galardonou á obra estaba formado por Ana Luísa Bouzas, integrante do consello de redacción da revista Andaina e administradora de Luzes, Montse Pena Presas, escritoria e crítica literaria, Patricia Porto Paderne, xerenta da libraría Lila de Lilith, Pilar Sampedro, vicepresidenta de Gálix e a directora de Baía Edicións, María Belén López Vázquez. Todas destacan o “humor irreverente” da obra pola “súa transgresión dos contos populares e por reivindicar a poesía, a alegría e a revolución como camiños para procurar a igualdade”.

- Publicidade -

O Premio Final Casalderrey de Literatura pola Igualdade convócase en Galicia “a raíz das carencias percibidas dalgunhas temáticas nos contos infantís, temáticas que poden axudar á construción dun imaxinario en igualdade entre mulleres e homes xa desde a infancia, necesario para un mundo máis xusto”, indican dende a editorial Baía que convoca este galardón.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego