A Policía Nacional entrou a primeira hora da mañá de hoxe no centro social Escárnio e Maldizer, situado na compostelá Algalia de Arriba. No momento da intervención non había ninguén no interior e varios operarios procederon a tapiar os accesos. A través das redes sociais convocouse unha protesta pacífica no lugar que foi reprimida duramente por elementos antidisturbios. O concelleiro Xan Duro, preguntado en rolda de prensa, asegurou que non tiña constancia de ningún problema de convivencia e rexeitou a actuación policial.
"Ten que haber espazo para o diálogo". Para @xanduro, a intervención policial desta mañá non foi o "máis acaído" #EscárnioSomosTodas pic.twitter.com/juj4Rp8llI
— Nós Televisión (@NosTelevision) 30 de mayo de 2017
“Non foi comunicado”
O alcalde de Santiago Martiño Noriega tamén sinalou en entrevista na cadena Ser que “a actuación desmedida da Policía Nacional desta mañá non fora comunicada“. Nos incidentes houbo varios contusionados e dúas persoas detidas que quedaron en liberdade horas despois denunciadas por “disturbios”.
