A Praza do Obradoiro amenceu este mércores cun agradábel cheiro a chourizo, garavanzos e caldo. O “Bus do cocido”, que promociona a través do país o prato estrela da gastronomía lalinense, fixo unha parada na capital galega para ofrecer á sociedade compostelá unha gran variedade de produtos propios da comarca.
Rafa Cuiña visitou hoxe Compostela para dar a coñecer a Feira do Cocido de Lalín
Para a Feira deste ano, que conmemorará as “vodas de ouro” do popular evento gastronómico, o alcalde de Lalín anunciou “numerosas novidades” dentro dun amplo programa de actividades. A festa busca nesta edición modernizarse, simbolizando unha “volta á tradición” con figuras coma o pintor Laxeiro, que protagoniza o cartaz, ou Víctor Freixanes, pregoeiro desta nova edición.+
Valorizar a “tradición culinaria galega”
Pola súa banda, o alcalde de Santiago, Martiño Noriega, agradeceu a celebración de eventos coma este que “poñen en valor” a tradición culinaria galega.
Apoio institucional
Á presentación da Feira do Cocido en Compostela acudiron membros de ámbalas dúas corporacións municipais, quen convidaron ás persoas presentes a acudir o vindeiro domingo 4 de febreiro á localidade pontevedresa.
