A maternidade non se pode considerar un dereito como tal. Deste xeito se amosa a nosa colaboradora Pilar Estévez á hora de reflexionar sobre o debate dos ventres de alugueiro.

Así, a activista do movemento feminismo compostelán denuncia a práctica dos ventres de alugueiro como unha explotación máis dun corpo das mulleres que pasa a ser un simple recipiente xestante, un obxecto con valor comercial e despoxado da súa dignidade humana.

Pilar defende que nos atopamos perante unha nova forma de dominación e de violencia contra as mulleres, de tráfico reprodutivo e de cousificación o seu corpo.