A golpe de tixolas e cazos presentáronse as veciñas e veciños de Rianxo ante o Parlamento de Galicia, clamando por un centro de día que consideran imprescindible. Despois dun encontro na Consellería de Políticas Sociais no que a Xunta de Galicia non se comprometeu a subvencionar o centro, a veciñanza decidiu continuar as súas protestas.

A plataforma de veciños “ocupou” o pasado mes de agosto a casa consistorial. Agora, 142 días despois de comezar as mobilizacións, as veciñas aseguran que non pararán até conseguir o seu obxectivo.