Varias xornadas darán a coñecer o dereito das nacións sen Estado de Europa

A Fundación Galiza Sempre e a Fundación Moncho Reboiras xunto coa Coppieters Foundation organizarán catro mesas para coñecer mellor a situación en varios países

A cuestión nacional está de actualidade en Europa. Ao redor so dereito á autodeterminación dos pobos no noso continente hai moitos intereses ceados e pouca información. Por este motivo A Fundación Galiza Sempre e a Fundación Moncho Reboiras xunto coa Coppieters Foundation organizarán catro mesas para coñecer mellor a situación en varios países do nosa contorna.

- Publicidade -

A idea, como comenta o presidente da Fundación Galiza Sempre Francisco Jorquera, é promover unha actividade que demostre que os Estados, coa súa actuación, están a crear situacións conflitivas.

O primeiro dos coloquios, este xoves

A primeira destas mesas será o vindeiro día 19 de abril a partir das 17:30 horas no Salón de Graos da Facultade de Ciencias Políticas, como explica Suso Seixo, Presidente da Fundación Moncho Reboiras.

As seguintes xornadas serán o día 7 de xullo na Coruña coa participación de Xosé Manuel Carril, Albert Noguera, Mikael Bodlore- Penlaez, Encarna Otero e Luis Gonçales Blasco (“Foz”); o 25 de xullo a mesa será no Festigal cunha mesa redonda de representantes de forzas políticas das nacións sen Estado de Europa; e a última será no mes de outubro tamén en Compostela.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego