A Valedora do Pobo en Galicia, Milagros Otero, quixo matizar diante dos medios de comunicación logo dun acto no Hostal dos Reis Católicos as súas declaracións de hai uns días. Negou que tivera unha especial “atención” para co concello de Santiago e asegurou que as súas palabras foron sacadas de contexto.
Entón…que foi o que dixo?
A Valedora do Pobo "matizou" esta mañá as súas polémicas declaracións sobre as persoas sen-teito https://t.co/sb6Cd9oC1L Que foi o que dixo? pic.twitter.com/cpkpqBWwVB
— Nós Televisión (@NosTelevision) 12 decembro 2016
Pola súa banda, o Alcalde de Santiago, Martiño Noriega, en rolda de prensa no Pazo de Raxoi respondeu ás palabras da Valedora resumindo todas as accións que están a realizar desde o goberno municipal para solucionar o problema das persoas sen teito.
A Valedora do Pobo, Milagros Otero, aseguraba nunha entrevista a un medio de comunicación que a solución coas persoas sen teito era “incapacitalos e sometelos a un tratamento”.
