Unha reportaxe de Nós Televisión para o Concello de Teo aborda a loita contra a reapertura da canteira da Casalonga

Este xoves, o Concello de Teo convoca unha asemblea informativa en Calo e que contará coa estrea dunha reportaxe realizada por Nós Televisión

Unha instalación polémica. Unha montaña de lixo cunha superficie equivalente ao casco vello de Santiago de Compostela. Pero tamén unha canteira contestada de maneira masiva e unánime pola veciñanza de Teo e que, desde hai unhas semanas, conta co informe negativo de impacto ambiental por parte do Concello de Teo.

Teo para Vivir. Unha reportaxe do Concello de Teo producida por Nós Televisión

Nós Televisión vén de pruducir unha reportaxe para o Concello de Teo de cince minutos de duración sobre a posible reapertura da planta de residuos da Casalonga por parte de Toysal e que supón unha ameaza para a vida e o futuro de milleiros de familias.

Nun coloquio coa veciñanza, o Concello de Teo proxectará publicamente esta reportaxe o vindeiro xoves 13 de setembro desde ás 20:30h no Restaurante Sanmartiño de Calo (Teo)

Cartaz informativo do evento

Teo para vivir: un avance

Adentrámonos na zona cero e falamos coa veciñanza afectada. Visitamos as vellas instalacións da canteira da Casalonga para analizar o impacto real: numerosas parroquias, e casas a moi poucos metros dunhas instalacións de 135.000 metros cadrados. Adentrámonos na loita da Plataforma Casalonga Limpa de Residuos, conversámos con expertos e cos partidos políticos con representación no Concello.

A reportaxe realizada por Nós Televisión sobre a posible reapertura da canteira da Casalonga terá a súa estrea este vindeiro xoves ás 20:30 no Restaurante San Martiño de Calo (Teo).

Estrea en Nós Televisión

Ademais, trala súa estrea, a reportaxe tamén se poderá visualizar integramente o vindeiro venres, sábado e domingo ás 22:00h na nosa canle de televisión. Trala realización desta reportaxe, Nós Televisión continúa apostando pola temática ambiental como un dos piares do proxecto audiovisual e que se verá reforzada durante os vindeiros meses e comezo do 2019 con máis reportaxes, documentais e colaboracións.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego