Un novo sindicato de docentes denuncia presións nas eleccións sindicais en Educación

A USDG, sindicato de recente creación, denunciou diante da Inspección hai unha semana a situación de interinos e interinas

A Unión Sindical de Docentes de Galicia (USDG) leva varios meses denunciando a precariedade de interinas e interinos xunto ao non cumplimento da lexislación que obriga ás empresas a facer fixos ao persoal que leve máis de tres anos traballando. Coa chegada das eleccións sindicais, ademais, presentaron varias denuncias por problemas e presións para non obter representatividade sindical.

- Publicidade -

A súa Secretaria Xeral, Concepción Rodríguez, explica a Nós Televisión que “os sindicatos tradicionais teñen información privilexiada e fan uso dela”. Ademais, denuncia que nas últimas semanas “os seus afiliados e afiliadas reciben chamadas doutras formacións sindicais para que se dean de baixa e pasen a outros sindicatos”.

Denuncias

Censuran que existe un “pacto sindical” para impedir a representación deste novo sindicato

Unha das últimas accións da USDG foi denunciar en varias cidades galegas casos en que se incumpria a lei. As súas denuncias súmanse a outras por todo o Estado español posto que este sindicato participa dunha plataforma a nivel estatal. Segundo datos deste sindicato estas irregularidades afectan a outros departamentos da administración e cifran en 700.000 as persoas afectadas.

En definitiva, Concepción Rodríguez afirmaa que seguirán adiante para obter representación nas eleccións sindical malia crer que hai “un pacto sindical” para impedilo.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego