Unha das axentes alegou estar a cumprir unha baixa por maternidade, namentres o seu compañeiro, residente en Madrid, pedira sen éxito comparecer por videoconferencia. Deste xeito, o xuízo contra o mozo do Carballiño fica aprazado
Unha delegación de militantes de Xeira e Anova desprazárase a Madrid para respaldar ao activista. Na mobilización tamén participou parte do grupo parlamentario de En Marea no Congreso dos Deputados.
Pepe Arias, voceiro da plataforma en apoio a Emilio Cao: “A Galicia que se move está hoxe aquí presente en Madrid”
Mobilización solidaria en Compostela
En Compostela, varias persoas concentráronse na praza de Mazarelos esixindo a absolución do activista galego.
Esta mañá estivemos na mobilización solidaria con Emilio Cao en Compostela.
“Estamos nun momento no que nos temos que apoiar todas”#AbsoluciónEmilioCao pic.twitter.com/tzyi2atHRH
— Nós Televisión (@NosTelevision) 19 de marzo de 2018
A estas mostras de apoio cómpre sumar tamén as xa anunciadas a semana pasada de representantes da política e a sociedade galega coma Suso de Toro, Marilar Aleixandre, Luís Villares, Ana Pontón ou os alcaldes da Coruña, Ferrol, Pontevedra e Santiago.
